#غسيل_اﻷموال
شحال هادي ملي كنت كنسمع مصطلح "غسيل الاموال" فالافلام المكسيكية المترجمة فدوزيم كان كيصحاب ليا كيشدوا وراقي ولا شقفات ديال الفلوس وكيصبنوهم كما يوضح الشكل فالوثيقة أسفله, واخا ماكانش هاد الشي لوجيك مي هو التفسير الوحيد لي كنت كنتخيل.
فالحقيقة "غسيل الاموال" ولا تبييض الاموال هو عملية تحويل شي فلوس مربوحين بطريقة غير شرعية لمكسب شرعي قدام القانون, اوطغومون دي كترد شي ربح مادي اون جينيرال ضبرتي عليه بطريقة محظورة بحالا خديتيه قانونيا يعني كتحللوا. الغرض الاساسي من غسيل الاموال هو تلقى شي كذبة للسؤال لي عيتطرح عليك ملي تبغي تسطوكي اللعاقة لي جنيتي ((من أين لك هذا ؟)) ونعطيكم مثال , افترضوا انك بغيتي تهرب كاميو ديال الحشيش لاسبانيا, قاديتي السطوك, رشيتي ما تيسر من الموظفين باش يسهلوا العملية وجدتي الكاميو...
المهم كلشي داز هو هاداك والعملية نجحات والحمد لله, ولا مثال أخر اقرب للواقع وهو شي هكر محنك بيراطا كونط paypal لشي أمير سعودي,,, الى قلنا انك موظف فالدولة لي كتعرف الدخل ديالك , ملي عتلعق وعتبغي تحط فلوسك فالبنك ضروري ما غادي تسول منين جاك هاد الشي, هاذا اجراء ضروري حيت كلشي عارف ان الثروة لي كتجي دغيا غالبا كتكون بطرق غير قانونية, دونك باش تسلك راسك خاصك بعدا تغسل دوك الفلوس عاد تأنطيغريهم.
كينين عرام ديال الطرق باش تبيض الاموال, والاختيار كايعتامد على الطريقة لي باغي تستغل بيها هاد الفلوس, مثلا الى كنتي باغي غير تزهى وتخسرهم طريطات بشوية عليك فافضل طريقة هي تلوحهم بعدا دقة وحدة فشي بنك فسويسرا حيت تما ماكيسولوكش من أين لك هذا حط تا منيار, وعاد تبقا تهزهم من بلادك بشوية وتاحد ماعيتسوق ليك من هنا الى ماكانش مبلغ كبير, اون بليس شنو كان عندك فالكونط ديال سويسرا وشنو باقي كيبقا سري هذا افونطاج عندهم وهاد الشي علاش مارتن أسيرو والاغلبية ديال الاثرياء كيتكبوا على البنوك ديال سويسرا.
اما الى كنتي باغي تستغل الفلوس فشي مشروع مهور لي خاصك تحط فيه الملاين دوفعة واحدة فقبل مات تلوح الفلوس فالبنك الشعبي خاصك تبدل الخطة ودير شي تمويه بعقلوا, هنا عيخصك شي طرف أخر باش يعاونك فالغسيل, مثلا انا كنهرب الاثار لموريطانيا ولا كنت خدام فالدومين ديال الدعارة والعياذ بالله و جمعت واحد 20 مليون, نقدر نمشي عند المدير ديال شركة كتنتج شي برودوي ونتاقف معاه باش يعيني مستشار تسويقي عندو بمقابل 6 د المليون, المدير عايدير واحد علمية بيع وشرا وهمية ويعلن ان المكسب منها كان 50 مليون, ويباصي ليا علنا 14 مليون على اساس انها مكافئة حيت انا كومبيطون و فشكل وكنت السباب باش دارت هاد الصفقة, وهوكا نكون تلعقت بطريقة شرعية (اون طيغم دو القانون الوضعي) ونقدر نحط 14 مليون ديالي فبنك مغربي بوجهي حمر.
لمهم، هو هادا و كيف العادا إلى عجبك الموضوع ، خلي شي كومونطير، سواء تساؤل أو تحفيز أو إضافة . و ماتنساوش تبارطجي
مع الأصدقاء ديالكم ، و شكرا على تفاعلكم .
شحال هادي ملي كنت كنسمع مصطلح "غسيل الاموال" فالافلام المكسيكية المترجمة فدوزيم كان كيصحاب ليا كيشدوا وراقي ولا شقفات ديال الفلوس وكيصبنوهم كما يوضح الشكل فالوثيقة أسفله, واخا ماكانش هاد الشي لوجيك مي هو التفسير الوحيد لي كنت كنتخيل.
فالحقيقة "غسيل الاموال" ولا تبييض الاموال هو عملية تحويل شي فلوس مربوحين بطريقة غير شرعية لمكسب شرعي قدام القانون, اوطغومون دي كترد شي ربح مادي اون جينيرال ضبرتي عليه بطريقة محظورة بحالا خديتيه قانونيا يعني كتحللوا. الغرض الاساسي من غسيل الاموال هو تلقى شي كذبة للسؤال لي عيتطرح عليك ملي تبغي تسطوكي اللعاقة لي جنيتي ((من أين لك هذا ؟)) ونعطيكم مثال , افترضوا انك بغيتي تهرب كاميو ديال الحشيش لاسبانيا, قاديتي السطوك, رشيتي ما تيسر من الموظفين باش يسهلوا العملية وجدتي الكاميو...
المهم كلشي داز هو هاداك والعملية نجحات والحمد لله, ولا مثال أخر اقرب للواقع وهو شي هكر محنك بيراطا كونط paypal لشي أمير سعودي,,, الى قلنا انك موظف فالدولة لي كتعرف الدخل ديالك , ملي عتلعق وعتبغي تحط فلوسك فالبنك ضروري ما غادي تسول منين جاك هاد الشي, هاذا اجراء ضروري حيت كلشي عارف ان الثروة لي كتجي دغيا غالبا كتكون بطرق غير قانونية, دونك باش تسلك راسك خاصك بعدا تغسل دوك الفلوس عاد تأنطيغريهم.
كينين عرام ديال الطرق باش تبيض الاموال, والاختيار كايعتامد على الطريقة لي باغي تستغل بيها هاد الفلوس, مثلا الى كنتي باغي غير تزهى وتخسرهم طريطات بشوية عليك فافضل طريقة هي تلوحهم بعدا دقة وحدة فشي بنك فسويسرا حيت تما ماكيسولوكش من أين لك هذا حط تا منيار, وعاد تبقا تهزهم من بلادك بشوية وتاحد ماعيتسوق ليك من هنا الى ماكانش مبلغ كبير, اون بليس شنو كان عندك فالكونط ديال سويسرا وشنو باقي كيبقا سري هذا افونطاج عندهم وهاد الشي علاش مارتن أسيرو والاغلبية ديال الاثرياء كيتكبوا على البنوك ديال سويسرا.
اما الى كنتي باغي تستغل الفلوس فشي مشروع مهور لي خاصك تحط فيه الملاين دوفعة واحدة فقبل مات تلوح الفلوس فالبنك الشعبي خاصك تبدل الخطة ودير شي تمويه بعقلوا, هنا عيخصك شي طرف أخر باش يعاونك فالغسيل, مثلا انا كنهرب الاثار لموريطانيا ولا كنت خدام فالدومين ديال الدعارة والعياذ بالله و جمعت واحد 20 مليون, نقدر نمشي عند المدير ديال شركة كتنتج شي برودوي ونتاقف معاه باش يعيني مستشار تسويقي عندو بمقابل 6 د المليون, المدير عايدير واحد علمية بيع وشرا وهمية ويعلن ان المكسب منها كان 50 مليون, ويباصي ليا علنا 14 مليون على اساس انها مكافئة حيت انا كومبيطون و فشكل وكنت السباب باش دارت هاد الصفقة, وهوكا نكون تلعقت بطريقة شرعية (اون طيغم دو القانون الوضعي) ونقدر نحط 14 مليون ديالي فبنك مغربي بوجهي حمر.
لمهم، هو هادا و كيف العادا إلى عجبك الموضوع ، خلي شي كومونطير، سواء تساؤل أو تحفيز أو إضافة . و ماتنساوش تبارطجي
0 التعليقات:
إرسال تعليق