فوائد السفر

سافر وغادي تعرف ناس اخرين وغادي تعرف معنى ديال الحياة.
وغادي تعرف بلي ماشي حنا خير أمة ولا اقدم امة.
وغادي تعرف انا بلادك صفرا وماشي خضرا.
وغادي تعرف اننا غير متقلين على الكرة الأرضية.
وغادي تعرف انك كتعيش وسط ناس عندهم الزليج فراسهم وغارقين فالنفاق والتناقض والخرافات والاساطير.
وغادي تعرف ان الغرب معندهمش الوقت ولى الطاقة باش يتأمرو علينا را غير حنى لكنتآمرو على بعضياتنا.
وغادي تجيك بيزار كيفاش غادي تعامل معاك مول طاكسي عندهم ولا البوليسي وسيرڤور فالقهوة.
ايه تاهما باغين يربحو الفلوس ولكين مطامعينش فالرشوة حيت عارفين هاديك هي لخدمة ديالهم.
تقدر تكون دايز وتجي عينيك فشي وحدة وضحك معاك بلاما دير فيك شي نظرات موكية حيت اتعامل معاك كانسان فقط.
غتعلم تحتارم بنادم باش يحتارمك وغادي تحشم من شي حويج كنتي كديرهم عادي فبلادك بحال تلوح زبل فالزنقة ولا تبول فشي جردة.
غادي توحش داركم صحابك بلادك ولكين مغاديش تبغي ترجع والى رجعتي غادي ترجع ك پاساجي ولا ميت فصندوق.
فلا تلوم من هاجر وطنه لو كان وطناً ما تركه...
غير داوي خاوي