السلام عليكم ليزيكونوميست،
تعويم الدرهم le flottement du dirham
واخا موضوع قديم و لكن ضروري نهدرو عليه.
أكيد سمعتو هاد العبارة وأغلبية الناس مفاهماش معناها و مباغياش تفهمها 😐 حيت كتقول ماشي سوقها فالسياسة و الاقتصاد.. لا فكرة غلط عندكم سوقكم هذا و خصكم تفهمو معناها 😡لأنه أنتم بالأول و الأخير ليغتستافدو أو غاتضررو من هاذ القضية 🙋
عارف معندكمش مع الكتابة بزاف 😅✋ لكن فصالحكم تفهمو وتقراو هاذشي لي غنكتب
أنا مغاديش نهدر بلغة الخشب و الهدرة ديال التلفزة غادي نشرح بطريقة بسيطة جدا لدرجة حتى الأطفال يمكن يفهموها يالاه نبداو
المغرب كيخدم العملة لي هي الدرهم وكتخدم في المغرب فقط و حاط حداه واحد الخنشة💰 كيحط فيها العملات الصعبة 💱 لي كيدخلو للبلاد الأورو💶 و الدولار 💵 واخا؟..
غاتقولو منين كنعمرو هاد الخنشة؟!
كتعمر عن طريق: -السياح -الجالية -الصادرات (ملي كنبيعو شي منتوج وطني للدول الأجنبية كنتخلصو بالعملة الصعبة) -الأجانب ملي كيصيفطو الفلوس للمغاربة..
سؤال.. فاش كنخدمو هاذ الخنشة😩؟ - شراء البترول و القمح -ملي كتبغي تخرج برا كتصرف الفلوس يعني كتشري منها - دين كيتسال لينا كنردوه من ديك الخنشة -شراء السيارات🚗 - إلخ.. المغرب كيخلص هادشي ب € أو $ يعني كيبقى يهز من ديك الخنشة💰
المغرب فيه عملة تابثة يعني رابط الدرهم بالأورو € و الدولار$ يعني الى طلعو كيطلع الدرهم معاهم.. والى هبطو كيهبط معاهم
يعني$2 دولار🔗20 درهم🔗 €1،9 اورو
(هنا غادي تقولو علاش حتى حنا منكونوش فحالهم و يكون الدرهم قدهم او قريب ليهم😞؟!.. لا ميمكنش حيت هوما دولة مصنعة وحنا لا.. هما كيبيعو الصناعات الثقيلة و كيبيعوها للعالم بالعملة ديال بلادهم و معروف أن اذا كان الطلب على العملة أكثر من العرض قيمتها كطلع فالعالم 🌍
مفهمتيش واخا نعطيك مثال يعني حتى حنا لو كنا دولة مصنعة🔩🔧وكنبيعو وسائل النقل ✈ 🚗 بالدرهم يعني العالم غيولي يقلب على الدرهم باش يشري من عندنا وبالتالي قيمتو غادي يطلع وغادي ينافس العملات الصعبة وحتى لو بعنا بالعملة الصعبة غادي تعمر ديك الخنشة💰بزاف و قيمة الدرهم غادي طلع) تلفتي يالاه رجع عاود قرا بشويا عليك ها حنا كنتسناوك 🙏
يالاه نكملو🏂رجوعا للموضوع
نهار يغلى البترول⛽و تخوى الخنشة💰 مغاديش نلقاو باش نشريو القمح و كاع محتجيات البلاد لي كنستوردوها وغادي نطيحو فأزمة حقيقية😲 و البلاد غادي توقف وغايوقع لينا كيف مصر وغانضطرو نتسلفو من صندوق النقد الدولي Fmi لكن بشروط منهم.
الشرط1: الفلوس لي غايعطيونا نخدمهم فقط فالاستثمار باش يضمنو أن السلف ديالهم هيرجع
الشرط2: نديرو تعويم الدرهم ها حنا وصلنا لبيت القصيد لي هو تعويم الدرهم شنو هوا😕؟!
..تعويم الدرهم أو بمعنى أخر تحرير سعر صرف الدرهم يعني منبقاوش رابطينو بحتى عملة يعني أن قيمة الدرهم غاديطيح و كاع الواردات غايوليو غالين بزاف و مغانبقاوش قادين نشريوهم غانكتافيو بلي عندنا و السياح غاديكثرو حيت المغرب غايولي رخيص بزاف و الصادرات غايكثرو حيت الثمن ديالها غايولي رخيص و الاستثمارات غادي تكثر.. بالتالي الخنشة💰لي هدرنا عليها عمرها غاتخوى ومغاديش نطيحو فأزمة.
نزيد نشرح أكثر بنك المغرب🏦 غايتعامل مع الدرهم فحال طفل كيتعلم العومان 🏊 غايطلقو يعوم فالاول وغايحضيه لا يغراق غايقولو غاتعوم مبين نص متر و متر و هو غادي وكيعطيه مساحة أكبر.. وملي يشوفو تعلم العومان غايخليه داك ساعة بوحدو حيت قبط راسو.. الناس لي ضد القرار كتقول : علاش غانديرو هاد الكارثة فراسنا نبقاو تابثين مع الأورو 💶والدولار 💲و بيخير حيت حنا ماشي دولة مصنعة و قيمة الدرهم غاتطيح بزاف و الواردات غايوليو غاليين و غايوقع تضخم فالبلاد ومنديرو التعويم حتى نوليو كنصنعو صناعات ثقيلة و نبيعو بزاف من الأحسن نبقاو فنظام الصرف الثابت حيت حامينا 😉✌
أما الناس لي مع القرار كتقول راه نهار نطيحو فالأزمة 😲🚨 غانصدقو دايرين التعويم صحا علينا و بالشروط القاسية من FMI كيف وقع لمصر اللهم نديروه بخاطرنا محد مكاين لا أزمة لا والو ونديروه بمراحل نمرنوه على السباحة (مثال الطفل☝) عاد يولي يعوم لراسو حيت غايكون تعلم العومان و مهيغراقش
تعويم الدرهم le flottement du dirham
واخا موضوع قديم و لكن ضروري نهدرو عليه.
أكيد سمعتو هاد العبارة وأغلبية الناس مفاهماش معناها و مباغياش تفهمها 😐 حيت كتقول ماشي سوقها فالسياسة و الاقتصاد.. لا فكرة غلط عندكم سوقكم هذا و خصكم تفهمو معناها 😡لأنه أنتم بالأول و الأخير ليغتستافدو أو غاتضررو من هاذ القضية 🙋
عارف معندكمش مع الكتابة بزاف 😅✋ لكن فصالحكم تفهمو وتقراو هاذشي لي غنكتب
أنا مغاديش نهدر بلغة الخشب و الهدرة ديال التلفزة غادي نشرح بطريقة بسيطة جدا لدرجة حتى الأطفال يمكن يفهموها يالاه نبداو
المغرب كيخدم العملة لي هي الدرهم وكتخدم في المغرب فقط و حاط حداه واحد الخنشة💰 كيحط فيها العملات الصعبة 💱 لي كيدخلو للبلاد الأورو💶 و الدولار 💵 واخا؟..
غاتقولو منين كنعمرو هاد الخنشة؟!
كتعمر عن طريق: -السياح -الجالية -الصادرات (ملي كنبيعو شي منتوج وطني للدول الأجنبية كنتخلصو بالعملة الصعبة) -الأجانب ملي كيصيفطو الفلوس للمغاربة..
سؤال.. فاش كنخدمو هاذ الخنشة😩؟ - شراء البترول و القمح -ملي كتبغي تخرج برا كتصرف الفلوس يعني كتشري منها - دين كيتسال لينا كنردوه من ديك الخنشة -شراء السيارات🚗 - إلخ.. المغرب كيخلص هادشي ب € أو $ يعني كيبقى يهز من ديك الخنشة💰
المغرب فيه عملة تابثة يعني رابط الدرهم بالأورو € و الدولار$ يعني الى طلعو كيطلع الدرهم معاهم.. والى هبطو كيهبط معاهم
يعني$2 دولار🔗20 درهم🔗 €1،9 اورو
(هنا غادي تقولو علاش حتى حنا منكونوش فحالهم و يكون الدرهم قدهم او قريب ليهم😞؟!.. لا ميمكنش حيت هوما دولة مصنعة وحنا لا.. هما كيبيعو الصناعات الثقيلة و كيبيعوها للعالم بالعملة ديال بلادهم و معروف أن اذا كان الطلب على العملة أكثر من العرض قيمتها كطلع فالعالم 🌍
مفهمتيش واخا نعطيك مثال يعني حتى حنا لو كنا دولة مصنعة🔩🔧وكنبيعو وسائل النقل ✈ 🚗 بالدرهم يعني العالم غيولي يقلب على الدرهم باش يشري من عندنا وبالتالي قيمتو غادي يطلع وغادي ينافس العملات الصعبة وحتى لو بعنا بالعملة الصعبة غادي تعمر ديك الخنشة💰بزاف و قيمة الدرهم غادي طلع) تلفتي يالاه رجع عاود قرا بشويا عليك ها حنا كنتسناوك 🙏
يالاه نكملو🏂رجوعا للموضوع
نهار يغلى البترول⛽و تخوى الخنشة💰 مغاديش نلقاو باش نشريو القمح و كاع محتجيات البلاد لي كنستوردوها وغادي نطيحو فأزمة حقيقية😲 و البلاد غادي توقف وغايوقع لينا كيف مصر وغانضطرو نتسلفو من صندوق النقد الدولي Fmi لكن بشروط منهم.
الشرط1: الفلوس لي غايعطيونا نخدمهم فقط فالاستثمار باش يضمنو أن السلف ديالهم هيرجع
الشرط2: نديرو تعويم الدرهم ها حنا وصلنا لبيت القصيد لي هو تعويم الدرهم شنو هوا😕؟!
..تعويم الدرهم أو بمعنى أخر تحرير سعر صرف الدرهم يعني منبقاوش رابطينو بحتى عملة يعني أن قيمة الدرهم غاديطيح و كاع الواردات غايوليو غالين بزاف و مغانبقاوش قادين نشريوهم غانكتافيو بلي عندنا و السياح غاديكثرو حيت المغرب غايولي رخيص بزاف و الصادرات غايكثرو حيت الثمن ديالها غايولي رخيص و الاستثمارات غادي تكثر.. بالتالي الخنشة💰لي هدرنا عليها عمرها غاتخوى ومغاديش نطيحو فأزمة.
نزيد نشرح أكثر بنك المغرب🏦 غايتعامل مع الدرهم فحال طفل كيتعلم العومان 🏊 غايطلقو يعوم فالاول وغايحضيه لا يغراق غايقولو غاتعوم مبين نص متر و متر و هو غادي وكيعطيه مساحة أكبر.. وملي يشوفو تعلم العومان غايخليه داك ساعة بوحدو حيت قبط راسو.. الناس لي ضد القرار كتقول : علاش غانديرو هاد الكارثة فراسنا نبقاو تابثين مع الأورو 💶والدولار 💲و بيخير حيت حنا ماشي دولة مصنعة و قيمة الدرهم غاتطيح بزاف و الواردات غايوليو غاليين و غايوقع تضخم فالبلاد ومنديرو التعويم حتى نوليو كنصنعو صناعات ثقيلة و نبيعو بزاف من الأحسن نبقاو فنظام الصرف الثابت حيت حامينا 😉✌
أما الناس لي مع القرار كتقول راه نهار نطيحو فالأزمة 😲🚨 غانصدقو دايرين التعويم صحا علينا و بالشروط القاسية من FMI كيف وقع لمصر اللهم نديروه بخاطرنا محد مكاين لا أزمة لا والو ونديروه بمراحل نمرنوه على السباحة (مثال الطفل☝) عاد يولي يعوم لراسو حيت غايكون تعلم العومان و مهيغراقش
0 التعليقات:
إرسال تعليق