#الجمعة_السوداء
اليوم د الجمعة، كان يوم ماشي عادي فأمريكا، حيت تصادف مع ما يسمى بالجمعة السوداء أو الجمعة المجنونة، اللي أصبحت عُرف سنوي بالنسبة للمواطن الأمريكي ( و للمواطنين في الدول الأخرى ).
هاد اليوم كيجي مباشرة بعد عيد الشكر نهاية شهر نونبر، وكيشكل بداية موسم شراء هدايا احتفالات النويل ورأس السنة، بحيث الشركات كتقدم تخفيضات كبيرة بزاف على البضائع ديالها، كتوصل حتى ل 75%.
فالوقت اللي كتفتح المتاجر عادة مع السبعة دالصباح، فيوم الجمعة السوداء كتبدا المبيعات مع الرابعة صباحا، وكاين اللي كيحل كاع مباشرة بعد منتصف الليل.
أرقام المبيعات خلال هاد اليوم كتكون خيالية، فمثلا الجمعة السوداء ديال السنة 2014 ، انفق 133 مليون أمريكي ما يقارب 50،9 مليار دولار فنهاية الأسبوع.
حمى الجمعة السوداء كتدفع بعض الناس أنهم يخيمو الليل كامل قدام المحلات لبزاف دالساعات، باش يكون أول واحد كيدخل، وطبعا هاد النهار كتوقع فيه بزاف ديال الاصابات بسباب التدافع بين الآلاف د المشترين اللي كيتسناو المحلات يحلّو، القضية تطورات لدرجة أنه سنة 2008 فولاية نيويورك مات واحد من عمال شركة وال مارت، بعد ما فتح السيّد الباب د المحل ترماو عليه تقريبا شي 2000 واحد من دوك لي كانو كيتسناو، بلا منهضرو على المدابزات اللي كتنوض دايما بين المشترين على البضائع المعروضة اللي كتوصل حتى لتبادل اطلاق النار فبعض الحالات.
التسمية ديال هاد النهار، جات من مدينة فيلاديلفيا لأنه معروف أن المحاسبين فالشركات كيسجلو الأرقام د المبيعات بالمداد الأحمر فاش كتكون خسائر وبالأسود فاش كتبدا الأرباح، وفقط ابتداءا من يوم الجمعة كيبداو باستعمال المداد الأسود لأول مرة فالعام. وهذا كيعني أن بعض المحلات كتراهن على النجاح د سنة كاملة فقط من هاد اليوم.
و لازال في الموضوع كلام طويييييل ، حتى المقال الجاي و نهضر عليه مزياااان.
اليوم د الجمعة، كان يوم ماشي عادي فأمريكا، حيت تصادف مع ما يسمى بالجمعة السوداء أو الجمعة المجنونة، اللي أصبحت عُرف سنوي بالنسبة للمواطن الأمريكي ( و للمواطنين في الدول الأخرى ).
هاد اليوم كيجي مباشرة بعد عيد الشكر نهاية شهر نونبر، وكيشكل بداية موسم شراء هدايا احتفالات النويل ورأس السنة، بحيث الشركات كتقدم تخفيضات كبيرة بزاف على البضائع ديالها، كتوصل حتى ل 75%.
فالوقت اللي كتفتح المتاجر عادة مع السبعة دالصباح، فيوم الجمعة السوداء كتبدا المبيعات مع الرابعة صباحا، وكاين اللي كيحل كاع مباشرة بعد منتصف الليل.
أرقام المبيعات خلال هاد اليوم كتكون خيالية، فمثلا الجمعة السوداء ديال السنة 2014 ، انفق 133 مليون أمريكي ما يقارب 50،9 مليار دولار فنهاية الأسبوع.
حمى الجمعة السوداء كتدفع بعض الناس أنهم يخيمو الليل كامل قدام المحلات لبزاف دالساعات، باش يكون أول واحد كيدخل، وطبعا هاد النهار كتوقع فيه بزاف ديال الاصابات بسباب التدافع بين الآلاف د المشترين اللي كيتسناو المحلات يحلّو، القضية تطورات لدرجة أنه سنة 2008 فولاية نيويورك مات واحد من عمال شركة وال مارت، بعد ما فتح السيّد الباب د المحل ترماو عليه تقريبا شي 2000 واحد من دوك لي كانو كيتسناو، بلا منهضرو على المدابزات اللي كتنوض دايما بين المشترين على البضائع المعروضة اللي كتوصل حتى لتبادل اطلاق النار فبعض الحالات.
التسمية ديال هاد النهار، جات من مدينة فيلاديلفيا لأنه معروف أن المحاسبين فالشركات كيسجلو الأرقام د المبيعات بالمداد الأحمر فاش كتكون خسائر وبالأسود فاش كتبدا الأرباح، وفقط ابتداءا من يوم الجمعة كيبداو باستعمال المداد الأسود لأول مرة فالعام. وهذا كيعني أن بعض المحلات كتراهن على النجاح د سنة كاملة فقط من هاد اليوم.
0 التعليقات:
إرسال تعليق